Ind’una Corsica à l’orlu d’un sprufondu sucetale, culturale, civilizaziunale, eternu. Nascia u 5 di maghju di u 1976 u FLNC, da fà chì u nostru populu firmessi, è ch’ellu campessi arrittu, degnu in terra soia.47 anni dopu, à rombu i sacrifizii, s’hè pussutu salvà, crede è sperà, Iè fà a spera sulenna di vede dumane u nostru paese à l’altu celestu di e libertà è di i populi maestri.
05.05.1976 : L’ombra sintinella
“N’u viottulu di a storia,
è di quella orma ribella
parata à cannunate vile
pè Custera è Rustinu.
N’u a vistica di e rivolte
vinte à sfracellu feroce
di l’estru patriottu vivu
chì bramava un destinu.
Pè Fium’orbu, Nebbiu, Niolu
è tanti rigiri di Cirnea,
tolti, à impiccate è macellate
mentre e stonde di sfrancisate.
Pè u biancu è moru frisgiatu,
calpighjatu da Marianna,
è u Corsu di caravana,
chì di filetta s’hè scurdatu.
À l’ombra pisata tempi fà
per d’avvene avè un palmu
è ùn stancià di rivindicà.
Chì di populu fattu eramu,
è bisognu aviamu à marchjà…”
Disegnu : @Antea Perquis Ferrandi
Leave a comment